تو چیدن خور نیریدن...

دیوته تو چیدن خور نیریدن
خوشی له دلم خارت کردیدن
تو کانی خوشی ناو دلم بیودن
ول چیندا امید بریدن
تا که چوه ره هاتند بوسم
امیدیگ بیید تا ابد وسم
چیند کفتو ناو ایواره پاییز
سوزی ناو دلم شین و غم انگیز
کاشکه هرکسه توای قین بکه
یه رحمه بکه له پاییز نکه
وخته ناو پاییز دار شکوفه بید
باخوان خنید وه دلو سزید
دلخوشی نیره شکوفه نا وخت
چنه بدبخته دار سیه بخت
من و پیر باخ وه یه درد دچاریم
وه هیچ دلخوشیم وه مرگ ناچاریم

کردی کلهری...